Velkominn á vefsvæði Hins þingeyska fornleifafélags.
Hið þingeyska fornleifafélag var stofnað þann 2. október 2004 á Narfastöðum í Reykjadal. Stofnaðilar voru 10 talsins, einstaklingar, fyrirtæki og stofnanir í Þingeyjarsýslu. Markmið félagsins er að að efla rannsóknir á íslenskri miðaldamenningu, undirbúa og framkvæma fornleifaskráningu og fornleifarannsóknir í Þingeyjarþingi og skapa styrkari forsendur fyrir menningartengda ferðamennsku í Þingeyjarþingi. Félagið starfar náið með Fornleifastofnun Íslands sem annast vísindalega ráðgjöf og framkvæmd skráninga og rannsókna á vegum félagsins.

---

Miðaldir á miðvikudegi

20. Júlí 2010

Miðvikudaginn 21. júlí býður Hið þingeyska fornleifafélag og Fornleifastofnun Íslands gestum og gangandi að heimsækja fornleifafræðinga að störfum á Ingiríðarstöðum í Þegjandadal í Aðaldal.  Mæting er á bílastæðinu við Grenjaðarstað kl. 13.00 þar sem safnast verður í bíla og ekið inn eftir Þegjandadal að austanverðu þar til komið er á móts við Ingiríðarstaði.  þaðan er gengið þvert yfir dalinn í vestur og tekur gangan a.m.k. hálfa klukkustund og farið er yfir votlendi svo betra er að era vel skóaður.  Á Ingiríðarstöðum munu fornleifafræðingar Fornleifastofnunar Íslands fræða gesti um uppgröft sumarsins en margt skrýtið og skemmtilegt  hefur komið í ljós á kumlateignum á Ingiríðarstöðum. Aætluð tímalengd ferðar er 4. klst.  Fararstjóri er Sif Jóhannesdóttir.  Uing.

---

Fornir fimmtudagar á Hofsstöðum

13. Júlí 2010

Fimmtudagskvöldið 15. júlí kl. 20.30 býður Hið þingeyska fornleifafélag og Fornleifastofnun íslands gestum og gangandi að heimsækja fornleifafræðinga að störfum á Hofsstöðum í Mývatnssveit.  Hildur Gestsdóttir mannabeinasérfræðingur hjá Fornleifastofnun Íslands og hennar fólk hefur unnið að rannsóknum í sunnanverðum gamla kirkjugarðinn á Hofsstöðum undanfarnar vikur en í þeim hluta eru grafir mun þéttari en í öðrum hluta garðsins.  Búið er að grafa upp 14 grafir og eru 12 þeirra grafir barna og í flestum tilvikum nýbura og allar eru grafirnar frá því fyrir þrettánhundruð.  Gamall kirkjugarður sem þessi geymir mikla og margvíslega sögu sem lesa má úr beinunum auk þess sem ímynda sér má sitthvað um gleði þeirra og sorgir sem bjuggu í væntanlega köldum og dimmum húsakosti miðalda á Hofsstöðum.  Gleði yfir barnsfæðingum og sorg þegar nýburum, sem og öðrum sem í garðinum hvíla, var fylgt til grafar í litlum garði. 

 

Einnig er verið að grafa í gegnum ruslalög frá bæjarhólnum, mestmegnis 18-20 aldar rusl sem var að finna í tveggja metra djúpri gryfju á svæðinu en nú eru fornleifafræðingar komnir niður að gjóskunni 1477 og farið er að móta fyrir kirkjugarðsveggnum þó veggurinn sjálfur sé ekki orðinn sýnilegur. 

 

Mæting er á bílastæði heima við Hofsstaði næstkomandi fimmtudagskvöld kl. 20.30 og allir áhugasamir eru boðnir velkomnir.

 

Hið þingeyska fornleifafélag og Fornleifastofnun Íslands.  

 UIng.

 

 

 

 

[Lesa frétt]

---

Margt er skrítið á Skútustöðum.

11. Júlí 2010

Tuttugu og tveir gestir nutu leiðsagnar Þóru Pétursdóttur og Dr. Thomas McGovern um uppgraftrarsvæ
...[Lesa frétt]

---

Fornir fimmtudagar á Skútustöðum

7. Júlí 2010

Hið þingeyska fornleifafélag og Fornleifastofnun Íslands ...[Lesa frétt]

---

Óflokkað rusl frá árinu eittþúsund

5. Júlí 2010

Þeir flokkuðu ekki ruslið í endurvinnslu á Skútustöðum árið eittþúsund. Sem betur fer, má alveg segja því um margt má af ruslinu fræðast. Uppgröftur á Skú
...[Lesa frétt]

---

Mannstönn, hrossbein, þvottaklemmur og rakbursti

3. Júlí 2010

Svalt var og blautt á Litlu-Núpum síðastliðið fimmtudagssíðdegi þegar hópur gesta heimsótti fornleifafræðinga við rannsóknir á Litlu Núpum í Aðaldal. Howell Magnús Roberts og Adolf
...[Lesa frétt]

---

Fornir fimmtudagar - Aftur um þúsund ár á Litlu Núpum

30. Júní 2010

Fimmtudaginn 1. júlí á „fornum fimmtudegi“ bjóða Hið þingeyska fornleifafélag og Fornleifastofnun Íslands, gestum í heimsókn á Litlu Núpa í Aðaldal til að kynnast þeim rannsóknum sem þar fara fram og hafa farið fram á vegum HÞF undanfarin ár. Howell Magnús Roberts fornleifafræðingur hjá Fornleifast
...[Lesa frétt]

---

Hofstaðarannsóknir og minjaskráning á Seljadal.

29. Júní 2010

Nú eru rannsóknir hafnar að nýju í kirkjugarðinum á Hofstöðum í Mývatnssveit en þar hefur ekki verið grafið síðan 2004. Hildur Gestsdóttir hjá Fornleifastofnun Íslands stjórnar uppgreftrinum og ásamt henni vinna þau Stefán Ólafsson og Oddgeir Isaksen frá Fornleifastofnun, Marianne Robson frá háskól
...[Lesa frétt]

---

Hrosskuml á Litlu-Núpum

28. Júní 2010

Þriðjudaginn tuttugasta og annan júní hófust rannsóknir á Litlu Núpum á vegum Hins þingeyska fornleifafélags og er það vösk sveit frá Fornleifastofnun Íslands undir stjórn Howell Magnús Roberts sem annast rannsóknirnar og í uppgreftrinum auk hans taka þátt: Lilja Björk Pálsdóttir, Sólveig Guðmundsd
...[Lesa frétt]

---

Kvöldganga um Láfsgerði

25. Júní 2010

Í gærkveldi, fimmtudagskvöldið 24. júní gekk 28 manna hópur í fallegri kvöldsól og svalri golu um bæjarstæði Láfsgerðis í mynni Seljadals, undir leiðsögn þeirra Elínar Hreiðarsdóttur og Birnu Lárusdóttur, fornleifafræðinga hjá Fornleifastofnun Íslands. Gestir fræddust um fyrirkomulag og verkski
...[Lesa frétt]

---